Psa 53 | NdeIBE | STEP | Kumqondisi wokuhlabela. Ngendlela yemahalathi. Imasikili kaDavida. Isiwula sithi enhliziyweni yaso, “AkulaNkulunkulu.” Bangcolile, lezindlela zabo zibolile; kakho loyedwa owenza okulungileyo.

Psalms 53

Kumqondisi wokuhlabela. Ngendlela yemahalathi. Imasikili kaDavida.

1 Isiwula sithi enhliziyweni yaso, “AkulaNkulunkulu.” Bangcolile, lezindlela zabo zibolile; kakho loyedwa owenza okulungileyo.

2 UNkulunkulu uyakhangela esezulwini abone amadodana abantu ingabe bakhona yini abalengqondo, abangabe bayamdinga uNkulunkulu.

3 Bonke baphambukile, bonke bangcolile; kakho owenza okulungileyo, kakho lamunye.

4 Kanti lezizixhwali kaziyikufa zafunda yini – zona ezidla abantu bami ingathi zidla isinkwa, zona ezingamkhonziyo uNkulunkulu?

5 Bona-ke, sezigubhazeliswa luvalo kodwa kungelalutho oluzethusayo. UNkulunkulu wawahlakaza amathambo alabo abalihlaselayo; lina labayangisa ngoba uNkulunkulu wabeyisa.

6 Awu, sengathi insindiso ka-Israyeli ingaqhamuka eZiyoni! Lapho uNkulunkulu esebuyisa njalo ukuphumelela kwabantu bakhe, akuthi uJakhobe athokoze, lo-Israyeli ajabule!